মুখ্য পৃষ্ঠা
06/04/2514:43
বাৰুদৰ গুলীত ৰাঙলী সপোন
© ৰাজু কলিতা
কলিজা বগাই উজাই অহা হুমুনিয়াহ বোৰে
মৌনতাৰ কোলাত উমলে |
বাগৰ সলায় সুখৰ সন্ধানত |
সময় বোৰ পাৰ হয় ,
কোনেও নজনাকে |
আঙুলি বগাই সপোন বোৰ নামি আহে ,
নিদ্ৰাৰ আঁচলত ধৰি |
পুত্ৰ হেৰুৱাই বিধৱা আয়ে
দুভাগ ৰাতি ন-প্ৰভাতৰ সপোন দুচকুত আঁকে |
বাৰুদৰ মাতাল শব্দই ,
আইৰ স্বাধীনতা কাঢ়ি নিয়ে |
উকা কাগজত কিমান জনে
স্মৃতিৰ সৌধ সাজে ?
চিঠিৰ ভাজতেই প্ৰেয়সীৰ মৰমে
যন্ত্ৰণাত হাহাকাৰ কৰে |
প্ৰেমিকৰ চোলাৰ জেপতেই ৰাঙলী হয়
বাৰুদৰ গুলীৰে নিগৰি ওলোৱা তেজেৰে |
কবিয়ে কবিতাৰ ভাষাৰে জগতক সুধে
এই স্বাধীনতা কাৰ বাবে ?
___________________
07/09/14
